Fann død kvinne i Kvinnherad — éin er sikta og arrestert
Kvinna i 40-åra vart funnen utandørs. Førebelse funn talar for at ho vart drepen.
Politiet fekk meldinga om funnet av ei død kvinne på Varaldsøy torsdag kveld. Politiet har sett i verk etterforsking. Åstaden er sperra av, og kriminalteknikarar vil koma til Varaldsøy fredag føremiddag, skriv politiet i ei pressemelding sendt ut rett før kl. 04 natt til fredag.
— Avdøde er ikkje formelt identifisert, men politiet meiner å ha rett identitet på henne, og pårørande er varsla, seier operasjonsleiar i Vest politidistrikt Stine Mjelde.
Artikkelen held fram under annonsen.
Ein mann i 40-åra er sikta og frakta til Bergen sentrum politistasjon i natt. Han vil få oppnemnt forsvarar fredag morgon.
Den sikta mannen og den avdøde skal ha vore kjende, men ikkje i nær relasjon til einannan, ifylgje politiet.
