Nesten alle koronatestresultata er komne
Alle prøvane som det er kome svar på så langt, har vore negative.
Ein manglar svar på berre fire av dei 67 prøvane som vart tekne onsdag, opplyser ordførar Torgeir Næss (Ap) i Kvam herad torsdag kveld. Han reknar med at heradet får dei siste svara i kveld eller fredag.
Ein av dei som fekk negativt svar i dag – i positiv forstand –, er russepresident Tor Børve Rasmussen. Då HF snakka med han kring lunsjtid i dag, venta han enno på svar. Svaret kom i ettermiddag.
Artikkelen held fram under annonsen.
Onsdag vart 67 testa for viruset. I dag skulle ytterlegare fem testast etter at HF var innom luftvegslegevakta i Øystese, opplyste lege Ragnar Hansen. Han påpeika at ein negativ test no ikkje utelukkar at ein kan vera smitta og få symptom etter kvart. Dei som har vore testa, bør difor følgja godt med på eiga helse.
Bakgrunnen for massetestinga er at ein person som seinare har fått påvist smitte, deltok på ein fest saman med mange ungdomar i Kvam 16. mai.
