Braut seg inn i to hytter

Måndag morgon gjekk alarmen i ei hytte på Kvamskogen, fortel dagleg leiar i Kvam security, Morten Garen.

- Me rykte ut og fann blod og teikn på innbrot. Me såg spor som førte til ei anna hytte, og bestemde oss for å kontakta politiet for å få litt hjelp. Då politiet kom, arresterte dei ein mann, seier han.

Politioverbetjent Andor Helgheim i Kvam, Fusa og Tysnes lensmannsdistrikt fortel at den arresterte tilstod innbrota då han vart avhøyrd.

- Politiet har oppretta sak, men me kjenner oss sikre på at me har fått tak i gjerningsmannen, seier han.