Klokka 11.23 måndag fekk Vest politidistrikt melding om brann i ein ATV i Kvam. ATV-en skal ifylgje ei melding i Politiloggen ha stått på ein grusveg i nærleiken av Hundanipen ovanfor Fykse. Truleg kan det vera snakk om vegen til Sjusete.
Naudetatane rykte ut. Klokka 12.10 melde politiet at brannmannskapet var på plass, og nokre minutt seinare var politiet på staden for å snakka med dei involverte.
Annonse
ATV-en var utbrend. Det vart ikkje meldt om personskade, ifylgje politiet.
