Uthus brann ned på Torsnes

Eit uthus tok fyr, og brannen var i ferd med å spreia seg til eit naust. Eit nærliggjande bustadhus vart kjølt ned for å hindra ytterlegare brannsmitte.

Vest politidistrikt og 110 Hordaland melde om brannen på Torsnes litt før klokka 21.30 fredag kveld.

Uthuset låg tett på eit bustadhus. Sjølv om det var lite vind i området i kveld, har brannen spreidd seg til eit naust, melde politiet på Twitter klokka 21.42.

Artikkelen held fram under annonsen.

Politiet og brannvernet kom til staden. Brannvernet kjølte ned bustadhuset med vatn, og 110 Hordaland melde klokka 21.50 at det meste av dei opne flammane i uthuset og naustet var sløkte.

Politiet melde klokka 22.15 at bustaden og naustet vart berga, men at uthuset brann ned. Det vart skadar i gavlen på naustet, og nokre ruter sprakk i bustadhuset.

Tre personar i bustaden seg i tryggleik og var uskadde etter brannen.

Brannårsaka er ukjend. Politioverbetjent Øystein Torsnes i Hardanger lensmanndistrikt opplyser måndag at det er oppretta sak, og at to frå politiet er på branntomta for å gjera tekniske undersøkingar og sjå om det er mogeleg å finna brannårsaka.