Brann i industribygning i Ålvik

Det oppstod onsdag ein brann i ein industribygning hjå Elkem Bjølvefossen i Ålvik. Tre personar i bygget kom uskadde frå hendinga.

Brannen hjå smelteverket vart varsla klokka 15.33 onsdag. Det skal ha teke fyr i oljeprodukt, noko som førte til stor røykdanning.

Operasjonsleiar Eivind Hellesund i Vest politidistrikt sa onsdag til HF at det skal ha teke fyr i eit samleband i ein stor lagerhall. Dei tre tilsette hadde på seg verneutstyr og vart altså ikkje skadde.

Brann- og redningstenesta hadde rett etter klokka 16 fått kontroll på brannen.