– Tok fyr i kraftinntaket

Johannes Byrkjenes er svært takksam for hjelpa frå naudetatane og Kvam Energi Nett AS etter at det byrja brenna i kraftinntaket til huset hans i Strandebarm tysdag.

Hendinga førte til at både politiet, ambulansetenesta og brann- og redningstenesta rykte raskt ut.

– Alle ære til alle, seier Byrkjenes.

Artikkelen held fram under annonsen.

Branntillløpet kom under kontroll og inntaket vart reparert på nokre timar, fortel han. Det tok fyr i nokre hagemøblar som stod under inntaket.

Huseigaren vart gjord merksam på brannen av systera, som bur i nærleiken av huset og tilfeldigvis observerte flammane då ho kika ut vindauga. Hadde det ikkje vore for henne, kunne brannen ha spreidd seg mykje meir før Byrkjenes hadde merka noko.

110 Vest melde tysdag at det tok fyr i bos ved ein husvegg. Dette er altså ikkje korrekt, fortel Byrkjenes.