Bil køyrde i tunnelveggen

Ein bil kolliderte med veggen i Jondalstunnelen sundag.

Det opplyste Vest politidistrikt via Twitter litt over klokka 15.00 sundag. Bilen køyrde i retning Odda, og enda i tunnelveggen om lag 30 meter inne i tunnelen.

— Det var glatt på staden, og bilføraren fekk sleng på bilen, seier Svein Buer, politioverbetjent i Hardanger politidistrikt.

Føraren av bilen var ein mann i 30-åra. Kollisjonsputa vart ikkje utløyst. Vedkomande var likevel oppegåande etter samanstøyten, og melde sjølv frå om ulukka, opplyser politiet.

— Patruljen som kom til staden, tok beslag i førarkortet etter ei vurdering av tilhøva på staden. Bilen køyrde på sommardekk, og det var glatt og isete. Det er ikkje mistanke om ruskøyring, seier Buer.

Tunnelen vart stengd i eit kort tidsrom på grunn av ulukka.