Berre to cruiseskip til Eidfjord og Flåm

Til saman skulle Eidfjord og Flåm denne sesongen ha fått besøk av 279 cruiseskip. I staden kom det berre to – eitt til kvar av dei to stadane.

–Det har vore krevjande. I år har me hatt 15–20 prosent av det salet med hadde i fjor, seier Solrun Hjelleflat i reiselivsselskapet Flåm AS til NRK.

Omsetnaden til selskapet har stupt frå rundt ein milliard kroner i fjor til 110 millionar kroner i år, fortel kanalen. Nedgangen merkast mellom anna på Flåmsbana som har mist ni av ti reisande.

Også i Eidfjord har reiselivsnæringa gått med store tap. Norsk natursenter åleine reknar med at dei har tapt 8 millionar kroner i år.

Turistkontoret Destinasjon Eidfjord har på si side selt opplevingar for 101.000 kroner i år, mot 6,7 millionar kroner i fjor, fortel kanalen.