Barnehagane får rettleiar om smittevern
Kunnskapsdepartementet har sett i gang arbeidet med konkrete rettleiarar og opplæringsopplegg for å unngå smitte i barnehagar og på skular.
Ein rettleiar for barnehagar vil bli lagt fram innan 16. april, medan eit kompetanseopplegg for skular vil bli lagt fram innan 20. april, opplyser Kunnskapsdepartementet.
– Det skal vere veldig klare retningslinjer for korleis ein skal drive barnehage. Desse blir det jobba med å utarbeide no, seier kunnskapsminister Guri Melby (V).
Artikkelen held fram under annonsen.
– Det viktig at alle tilsette får god tilgang til informasjon, seier ho.
Ifølgje Melby er departementet no i tett dialog med helsestyresmakter og fagfolk om korleis smittevernet kan takast vare på i den praktiske kvardagen i barnehagane og skulane.
Barn som er i risikogrupper, eller har familiemedlemmer i risikogrupper, vil framleis kunne får fjernundervisning.
(©NPK)