ATV hamna i bekk

Ein ATV køyrde av vegen og hamna i ein bekk ved Skårdalsvegen i Øystese laurdag, melde Vest politidistrikt i Politiloggen. 

Føraren vart henta opp og verka å vera oppegåande etter ulukka, men skadeomfanget er ukjent. Vedkomande fekk tilsyn av helsepersonell og vart køyrd til sjukehus.

Meldinga om hendinga kom klokka 13.08. Naudetatane rykte ut. Politiet gjorde undersøkingar på staden, ifylgje operasjonsleiar Jan Børge Misje.

Politioverbetjent Anne-Siri Tysseland ved Kvam politistasjon opplyser torsdag 28. mai at det er oppretta sak. Årsaken til ulukka kan ho ikkje seia noko om. 

– Det er snakk om ein ung førar. Saka er under etterforsking. Det er ikkje mistanke om rus, seier Tysseland.