Arkivverket refsar kommunar

Arkivverket ser alvorleg på at fleire kommunar ikkje har gode nok rutinar og system for å ta vare på viktig informasjon om innbyggjarane sine.

– Det er trist og synd at kommunane ikkje tek dette på alvor, for det undergrev både demokratiet og tilliten til styresmaktene, seier fagdirektør i Arkivverket, Kjetil Reithaug, til NRK.

Arkivverket har i fleire år vore bekymra for at arkiveringa til kommunane. Etter den årlege tilsynsrunden i fjor, kom det fram at 38 av 47 kommunar ikkje hadde gode nok rutinar eller strategiar for å langtidslagra informasjon om innbyggjarane sine.

Artikkelen held fram under annonsen.

Trass fleire purringar konstaterer Arkivverket at fleire kommunar enno ikkje har fått orden på arkiveringa. Reithaug fryktar at dette i verste fall kan føra til at viktige dokument blir borte.