55 nye koronasmitta siste døgn

Det er registrert 55 nye tilfelle av koronasmitte i Noreg ved midnatt natt til tysdag, viser førebelse tal frå Folkehelseinstituttet (FHI).

Auken er noko større enn dagen før. Måndag vart det registrert 40 nye tilfelle, medan smittetalet auka med 57 nye tilfelle søndag.

Tala er henta frå Meldingssystem for smittsame sjukdommar (MSIS) og viser ei førebels oversikt.

I alt har 10.060 nordmenn testa positivt for koronaviruset. Om lag 95 prosent er friskmelde, ifølgje FHI.

Til saman 14 personar var måndag innlagd på sjukehus med påvist koronavirus. Det er seks meir enn før helga, viser tal frå Helsedirektoratet. Éin av pasientane får behandling i respirator.

FHI har registrert 261 koronarelaterte dødsfall her i landet.

(©NPK)