Skule i Eidfjord stengd, 5 smitta på Voss
Lægreid skule i Eidfjord held stengt onsdag etter at ein tilsett ved skulen har fått påvist smitte. Elevane får ikkje noko tilbod denne dagen.
I Voss herad har fem personar har testa positivt for covid-19 i august, opplyser heradet i ei pressemelding.
Artikkelen held fram under annonsen.
Dei fire første tilfella på Voss, påviste tidlegare i månaden, var knytte til ein mann som besøkte heimlandet sitt – eit «raudt» land – i sommar. Mannen testa negativt før avreise og gjekk i karantene då han kom attende til Noreg. Likevel hadde han hatt nærkontakt med minst to personar. Båe desse to vart smitta.
Det nyaste tilfellet er ikkje knytt til dei andre. Vedkomande har vore på reise til Nordvestlandet og vart truleg smitta på turen, seier kommuneoverlege Eystein J. Hauge.
