34 av 356 kommunar hadde nye koronatilfelle sist veke
Meir enn ni av ti norske kommunar hadde ingen nye tilfelle av koronasmitte sist veke, viser vekerapporten frå Folkehelseinstituttet (FHI).
Dei 116 nye tilfella sist veke fordelte seg på 34 av 356 kommunar.
0,6 prosent av dei som vart testa sist veke, hadde positiv prøve.
Artikkelen held fram under annonsen.
Samtidig vart ni personar innlagde på sjukehus med koronavirus sist veke. Dei siste tre vekene har talet vore under 15.
Også talet på innleggingar på intensivavdeling fell vidare, til éin pasient sist veke.
Det vart registrert tre dødsfall sist veke.
(©NPK)
