For å fornye førarkortet må ein fysisk møte opp på ein av Vegvesenets 77 trafikkstasjonar.Foto: Gorm Kallestad / NTB scanpix / NPK

140.000 nordmenn må fornye førarkort

Nordmenn som er 40 år eller eldre må byte førarkort om dei skal køyre lovleg.

Om lag 140.000 nordmenn har gamle førarkort som snart går ut på dato, skriv Dinside.no.

Førarkorta er Wien-modellane, med kodeord N2 og N3. Desse er ulovlege å bruke som sertifikat frå 2023. Førarkorta blei delt ut mellom 1. april 1979 og 31. desember 1997.

Vegvesenet har ikkje sendt varsel om å byte førarkort, men anbefaler folk om å byte ut Wien-modellane allereie no. Dei er ikkje gyldige for køyring i utlandet eller som legitimasjon.

For å byte førarkort må ein møte fysisk på ein av Vegvesenets trafikkstasjonar. På grunn av korona-situasjonen må ein i dag bestille time på førehand.

Ein må òg ha med gyldig legitimasjon – med andre ord ikkje det gamle førarkortet, og er ein eldre enn 80 år må ein ha med godkjent helseattest.