Jeanette Rivenes er på plass med hudpleietenester i nye lokale.
Charlotte Svendsen
Velvære under nytt tak
Ho har drive som hudterapeut i Kvam i åtte år. Dei fyrste fem åra jobba ho for Paloma i Øystese, før ho fylgde draumen og starta sin eigen salong i mai 2021. Lokalet til Hardanger Velvære AS var då over treningssenteret Attrå.
Lokala i det gule huset i Grova vart ledig etter at Ugler i mosen la ned drifta. Då var Rivenes rask med å kontakta eigaren. Det er litt dyrare enn lokala ho hadde, men Rivenes trur den sentrale plasseringa vil vega opp for det.
– Salongen vart litt gøymd. No håpar eg han vert meir synleg, seier Rivenes.