Det var mykje liv i publikum då rockebandet BigBang spela på Bygdalarm for to år sidan.
Ingrid Gravdal
Vonar festival vert euforisk
Ida Sørheim er festivalsjef for sjette gong. Ho arbeider med arrangementet heile året. I fjor vart Sørheim tilsett i Bygdalarm med ei 40 prosent stilling.
– Dette er draumejobben! Eg kosar meg veldig, og håpar eg kan driva med dette i lang tid, seier ho.
Ifølgje henne er arbeidet intenst når det står på — slik som denne veka. Sørheim held i trådane og har ansvar for litt av kvart. Billettar, leverandørar, søknadar og rapportering. Arbeidsoppgåvene handlar mykje om planlegging og organisering. Saman med resten av styret til Bygdalarm, får Sørheim ting til å skje.