Spellemannprisen til Sigmund Vestrheim

Trommisen frå Øystese vann prisen for årets nykomar som del av bandet til Boy Pablo.

Det vart offentleggjort aller fyrst i den NRK-sende prisutdelinga i kveld, som går føre seg på Chateau Neuf i Oslo.Dei andre nominerte i klassen var Lise Davidsen, Kamelen, Rotlaus og Ruben.Årets nykomar får Gramo-stipendet på 250.000 kroner.Bergensaren Boy Pablo, som eigentleg heiter Nicolas Pablo Rivera Munõz og har chilenske foreldre, var i tillegg nominert i klassen indie/alternativ for albumet «Soy Pablo». Denne klassen vann Thea Hjelmeland.Om nokre veker skal han spela på Coachella Music and Arts Festival i California i USA. Elles står mellom anna Spania, Mexico, Canada, Nederland og Frankrike på turnélista dei neste månadene. Som om ikkje det var nok, skal Vestrheim og bandkollega Eric Tryland syta for tonar til revyen i Dalatun komande helg saman med far til Sigmund, Alvin Vestrheim.