Hedvig Mollestad (i midten) vann Spellemannprisen i open klasse. Med i bandet var mellom andre Torstein Lofthus frå Øystese (nummer to frå høgre). Her ser me musikarane med prisen etter utdelinga. Foto: Robin Bøe

Heldt rytmen på spellemannprisvinnar

Torstein Lofthus (44) frå Kvam var medverkande til ei ny prisutdeling fredag.

Han er trommis på utgjevinga Ekhidna, som Hedvig Mollestad fekk Spellemannprisen for i den opne klassen fredag kveld.

Utgjevinga var eit tingingsverk til Vossa Jazz i 2019. Mollestad fekk sjølv handplukka bandet, medrekna kvemmingen. Ho skildrar han som ein av fleire «helt ville musikere» som vinnarverket aldri hadde funnest utan.

«Hedvig, som er kjent for sine tunge riff og breiale powerjazz, har imponert med dette vakre og mektige verket som har fått navnet Ekhidna etter et monster fra gresk mytologi», heiter det i omtalen av vinnaren.

Lofthus er både frilansmusikar og med i faste band. Mellom anna er han kjend frå Shining og Elephant9.