Nordmenn går meir på kino
Norske kinoar hadde ein auke i billettsalet på 13,5 prosent i første kvartal samanlikna med i fjor.
Totalt er det selt 2.150.963 billettar dei tre første månadene i år mot 1.897.916 i same periode i fjor. Det viser tal frå bransjeorganisasjonen Film & Kino.
– Me trudde på eit sterkt kino-år i 2026, og no har me i alle fall bevist at me er godt i gang, seier administrerande direktør Espen Lundberg Pedersen i Film & Kino i ei pressemelding.
Annonse
Flest har drege på kino for å sjå «The Housemaid», med 197.269 selde billettar. Nest mest sett er den nyaste Flåklypa-filmen, med 193.631 selde billettar i år.
Nesten ein tredel av billettsalet er til norske filmar.
– Norske filmar går veldig bra også i 2026, seier Lundberg Pedersen.
– Det er tydeleg at nordmenn vil ha norsk film når dei går på kino.
Annonse
Blant filmane som har kinopremiere i månadene framover, er «Super Mario Galaxy-filmen» i april, «The Devil Wears Prada 2» i mai, «Toy Story 5» og «Supergirl» i juni og dessutan «Minions 3», «Vaiana» og «Spider-Man: Brand New Day» i juli.
(©NPK)
