Kongen forfremjar forfattar Jon Fosse til Storkors av St. Olavs Orden

Fosse bar St. Olavs Orden rundt halsen då han fekk nobelprisen i litteratur i Stockholm. No har kong Harald forfremja han til den høgaste grada til ordenen.

Det opplyser Kongehuset i ei pressemelding fredag.

– Kongen har forfremja forfattar Jon Fosse, Oslo til Storkors av Den Kongelege Norske St. Olavs Orden for den framifrå forfattarskapen hans. Dekorasjonen vil bli overrekt ved eit arrangement i Det norske Samlagets lokale i Oslo torsdag 20. juni, opplyser Kongehuset.

Forfattaren og dramatikaren Fosse vart utnemnd til kommandør av St. Olavs Orden i november 2005, for sitt litterære virke, først og fremst for teaterstykka hans som vart spela over heile verda.