Ante Skaug i Korps United er kjend som ein over snittet engasjert dirigent. Truleg gjekk ingen frå konserten i tvil om nett det. Til høgre står Sigrid Bonde Tusvik.
Sigbjørn Linga
– Alle elskar korps
Det er det store spørsmålet etter korpskvelden og stafettkonserten i Øystese laurdag kveld. Målet til arrangørane, dei fire musikklaga i Kvam, er nemleg å betra rekrutteringa av vaksne og samla musikarane i eit felles aspirantkorps – «Kvammakorpset». Vona er å starta øvingane til hausten.
Tv-korps til inspirasjon
For å kveikja og inspirera, hadde arrangørlaga invitert Korps United. Korpset er kjent frå TV2-programmet med same namn og komikar og korpselskar Sigrid Bonde Tusvik som programleiar og initiativtakar. Dei ti kvinnene som er med, kjem frå ulike kulturar og starta på berr bakke, fleire av dei utan å ha rørt eit instrument før.