Publisert 30. juli 2019 kl. 12.11. Oppdatert 30. juli 2019 kl. 14.03.

Gull til volleyball-duo


Sunniva Helland-Hansen frå Øystese gjekk til topps i helga.

Saman med Ingrid Lunde frå Ølen tok ho gull i Fanta Norgestour i sandvolleyball i Kristiansand.

Dei to kvinnene har dessutan gjort det godt internasjonalt nyleg. Tidlegare i juli tok dei ein 5.-plass i tostjerners verdensturnering i Qidong i Kina. Dei tapte kvartfinalen mot eit tsjekkisk lag, skriv volleynytt.net.

I dag speler dei kvalifiseringskamp til femstjerners verdsturnering i Wien.

Ein annan kvemming - Runar Hauso Froestad - deltek for tida i student-EM i volleyball i Lódz i Polen med eit lag frå Høgskulen på Vestlandet, avdeling Sogndal. Laget har tapt to av to kampar - mot polske Lodz University of Technology og tyske University of Bremen - og speler i morgon mot University of Minho frå Portugal. Vinn dei resten av kampane, kan vestlendingane ta ein 9.-plass.