KOMMENTAR

Frå venstre: Ole Bjørn Kristensen snakka om grunnlaget Bibelen legg for synet hans på kjønn og homofili. Dany Devero kritiserte Kvam herad, flaggtjuvar og kristne. Kunstnar Tove-Mari Odderdal i Pride Art påpeika at små handlingar i kvardagen kan vera viktige for dei som slit. Syriske Alma Habbal i FRI Vestland innvandrarperspektiv på korleis det er å vera homofil i Noreg.

Ordskifte på skeiva

Publisert Sist oppdatert

Om ikkje anna vart det eit relativt fargerikt ordskifte då Fargerikt Kvam inviterte til open Bygdapride-debatt på biblioteket i Norheimsund. Open og open – då HF skulle ta bilete undervegs, reagerte fleire negativt. Ein i debattpanelet kan ikkje ha fått med seg at han var del av eit arrangement med fri tilgang for ålmenta. Ei kvinne gjorde det med ymse geberder klart at ho slett ikkje skulle på trykk.

Sjau har underteikna rikeleg av frå før; eg fotograferte ikkje kvinna og tok omsyn til at der kunne vera andre gjester som ikkje ynskte eksponering. Det kan finnast mange gode grunnar til at enkelte ikkje vil visa seg fram meir enn dei må. Kanskje sit dei i skapet og møter opp av di temaet interesserer dei, men ynskjer ikkje at nokon skal røpa kvar skapet står. Eg ynskjer ikkje å bidra til å gjera livet deira endå tøffare, sjølv om eg er yrkesforplikta til å meina at openheit som regel er den beste medisinen.

Det kan samstundes vera freistande å spørja: Er ikkje Bygdapride eit arrangement som skal visa veg til openheit og aksept? Er det ikkje kunngjort klart og tydeleg at ordskiftet er eit offentleg, vidope arrangement? Skulle me ikkje eigentleg visa oss fram i all vår prakt og nedkjempa fordomar, ikkje gøyma oss vekk?

Vel korleis du vil lese oss!

Digitalt

170,- /mnd

Digitalt + papiravis

190,- /mnd

Digitalt år

1850,- /mnd

Digitalt + papiravis år

2150,- /mnd

For spørsmål, kontakt kundeservice på tlf: 56 55 00 20 eller kundeservice@hf.no
Laga med Labrador CMS