Livet er ekstra spanande langs elva …

Klaus Rasmussen, Naturvernforbundet Hardanger

Det er kjekt å gå tur på denne årstida. Me opplever ei merkbar glede ved at det grønast og blømer etter ein kald og lang vinter. Bekkene og elvene er livsstrengene i landskapet vårt. Her er det ekstra vekst, og naturen produserer rett og slett på høggir langs kanten av elva og vatnet.

Kantsona har stor verdi for livet langs vassdraget. Kjem du til ein bekk der alle tre og buskar er hogde ned, merkar dei fleste at noko manglar. Å fjerne den naturlege vegetasjonen har mange negative aspekt. Fisken får ikkje skugge langs land og vil ikkje finne insektmat. Fuglane likar å vere nær vatnet, men har ingen plass å skjule seg og finn heller ikkje mat når alle buskar og tre er fjerna. Er det dyrka mark bak, vil møkk og gjødsel lettare renne ut i elva og skade livsgrunnlaget.