Fritt ord – Slik sender du inn lesarbrev, debattinnlegg og kommentarar
Har du noko på hjartet? Ynskjer du å ytra deg offentleg, setja søkjelys på ei viktig sak eller dela eit personleg perspektiv? Då kan du senda inn eit innlegg til vår spalte Fritt ord.
Kva er Fritt ord?
Fritt ord er vår samleomgrep for tekstar som lesarbrev, debattinnlegg og kommentarar. Dette er innlegg skrivne av våre lesarar – deg – og vert publiserte på våre plattformer når me vurderer dei som relevante, interessante eller viktige for offentlegheita. Her er det rom for både sterke meiningar, sakleg kritikk, personlege erfaringar og lokal samfunnsdebatt.
Slik sender du inn
Du sender inn teksten din på e-post til redaksjon@hf.no.
Merk e-posten med «Fritt ord» i emnefeltet. Hugs å leggja ved:
• Fullt namn
• Kort presentasjon av deg sjølv (t.d. «Lærar frå Kvam» eller «Lokalpolitikar for X-partiet»)
• Telefonnummer, slik at me kan kontakta deg ved behov
• Eventuelt bilete av deg, dersom du ynskjer at det skal visast saman med innlegget.
Me tek ikkje imot anonyme innlegg, men publiserer i enkelte tilfelle med initialar eller pseudonym dersom det ligg føre gode grunnar.
Lesarbrev, annonse eller «Lesaren skriv»?
Me får av og til inn tekstar som ligg i grenseland mellom lesarbrev og annonse. Det kan vera oppmodingar om støtte til prosjekt, presentasjon av arrangement, gåveinnsamlingar eller anna som fremjar ein organisasjon, ei kyrkje eller ei sak. Slike tekstar vert ikkje rekna som redaksjonelle debattinnlegg – og må derfor vurderast særskilt:
🔸 Er teksten først og fremst meint for å skaffa midlar eller marknadsføra noko? Då vert han rekna som annonse, og vanlege annonseprisar gjeld.
🔸 Er teksten ei personleg skildring av ei oppleving eller reise, til dømes ein misjonstur eller ei historisk markering i lokalsamfunnet, utan eit direkte kommersielt eller innsamlingsformål? Då kan han høva i spalta Lesaren skriv, som er ein del av Fritt ord.
Ønskjer du annonseplass?
Dersom teksten din er ei annonse, kan marknadsavdelinga vår hjelpa deg med å få han publisert på hf.no og i papiravisa. Teksten vert då presentert som annonseartikkel og tydeleg merka med «Annonse».
📩 Kontakt marknadsavdelinga
på annonse@hf.no eller
telefon
56 55 00 20, så får du hjelp med plassering og pris.
Kvifor publiserer me ikkje
kommersielle tekstar som lesarbrev?
Som redaksjon styrer me etter Ver Varsam-plakaten, pressa sitt etiske regelverk. Der heiter det at me skal «klargjera skiljet mellom journalistikk og reklame». Det betyr at lesarane alltid skal kunna vita kva som er redaksjonelt stoff – og kva som er kjøpt plass.
Dersom ein tekst har
som hovudføremål å:
• Skaffa inntekter
• Promotera ein organisasjon,
teneste eller innsamlingsaksjon
• Marknadsføra eit produkt,
ei verksemd eller eit prosjekt
…så handlar det ikkje lenger om ei meiningsytring i offentleg debatt. Då skal teksten behandlast som annonse, og det er betaling som gjeld.
Kvifor?
📌 Truverd: Me ønskjer at lesarane våre skal stola på at alt redaksjonelt innhald er uavhengig og presseetisk vurdert.
📌 Openheit: Det skal vera tydeleg kva som er reklame og kva som er journalistikk.
📌 Like vilkår: Me kan ikkje gje gratis spalteplass til somme, medan andre betalar for det same.
Når høver det med «Lesaren skriv»?
Spalta Lesaren skriv er for deg som vil dela ei oppleving, eit minne, ei tru eller ei historie – utan nødvendigvis å ta del i debatt. Det kan vera reiseskildringar, frivillig arbeid, ei kulturhending eller ei helsing til lokalsamfunnet. Slike tekstar må likevel følgja dei same retningslinene for språk, lengd og presseetikk.
Er du usikker på om teksten din passar som lesarbrev, Lesaren skriv eller annonse?
Send den inn og spør – me hjelper deg gjerne.
Dette ser me etter
Me publiserer ikkje alt me får inn, men vurderer alle tekstar ut frå følgjande kriterium:
✅ Har teksten ein tydeleg
meining eller eit viktig poeng?
✅ Er han relevant for våre lesarar?
✅ Er språket klart og sakleg?
✅ Er det tydeleg kven som står bak?
Me forbeheld oss retten til å redigera innlegg for språk, lengd og presseetikk. Ved større endringar kontaktar me deg for godkjenning før publisering.
Presseetikk og ansvar
Me følgjer Ver Varsam-plakaten, som er pressa sitt etiske regelverk. Den gjeld òg for innlegg som vert publiserte under Fritt ord. Som innsendar må du vera merksam på følgjande:
• Du har ansvar for innhaldet du sender inn
Ikkje framset alvorlege påstandar mot namngjevne personar utan dokumentasjon
• Vis respekt for privatliv og unngå sjikane, hets og diskriminerande språk
• Du kan meina mykje – men hald deg innanfor rammene av saklegheit og anstendighet
Innlegg som bryt med desse prinsippa kan verta avviste eller redigerte.
📎 Les heile Ver Varsam-plakaten her.
Praktisk info før du sender inn
Format og lengd
• Anbefalt lengd: 2 000–3 500 teikn
(med mellomrom)
• Teksten må vera original og
ikkje publisert andre stader.
• Unngå overdreven bruk av store bokstavar, utropsteikn og liknande.
• Me set pris på ein presis tittel
og eit forslag til ei kort ingress.
Kva skjer etter innsending?
1. Me les gjennom teksten din.
2. Dersom han vert antatt, kontaktar
me deg for eventuelle avklaringar.
3. Me publiserer han på nettavisa
under seksjonen Fritt ord.
4. Du får ei lenkje når innlegget er
publisert
Me prøver å svara innan ei veke.
Har du ikkje fått svar etter det,
er du velkomen til å følgja opp.
Tips til ein
god tekst
Skriv tydeleg og personleg
– ikkje som eit foredrag
.
– ikkje som eit foredrag
.
Unngå altfor teknisk eller internt språk
Hald deg til eitt hovudpoeng
Bruk eigne erfaringar eller døme
Våga å meina noko
– men hald ein respektfull tone
– men hald ein respektfull tone