Stig Lundblad-Sandbakk ynskjer velkomen i Skummesalen, Hardanger Bryggeri sitt eige serveringslokale. Fargane i interiøret er inspirerte av den tidlegare meieridrifta, og tilpassa vidare bruk av lokalet.
Gry Svartveit
Profesjonell multitaskar
Det er tidleg haust og godt dagslys. I Hardanger Bryggeri er dagleg leiar og bryggjesjef Stig Lundblad-Sandbakk travel med ølbrygging.
Førebuingane har starta kvelden før. Her er mykje å passa på. No meskar malta bygg i vatn med god temperatur. Nykverna malt gjer maltosesukkeret lettare tilgjengeleg. Væske frå mesking vert kalla vørter, den må skiljast av og så skolast ut frå maltet med meir varmt vatn. Vørteren skal deretter få eit oppkok og ei rask nedkjøling, før gjæring ventar.
Helst lokalt