Siv Mælen har funne si dramatiske hylle i livet. Hennar kjepphest er kultur til dei unge.
Mari Ulvund
Dedikert dramalærar
På kartet heiter staden Mæle, medan det står Mælen på vegskiltet til den vesle bygda under fjellet Samlen.
– Eg vil at alle born, inkludert mine eigne, skal kunna få tilbod om kultur, seier Siv, som i mange år har vore dramalærar i kulturskulen i Ullensvang og Kvam.
Drivkrafta hennar er å syta for at det finst ein levande og sterk kulturskule i begge kommunane. Ikkje alle elevar er med i kulturskulen, og difor meiner Siv ein må nå ut til borna i skuletida, slik at alle får oppleva og prøva seg på ulike kunstuttrykk.