Publisert 17. februar 2020 kl. 10.10.

Uvisse om skirenn

Laurdag var det eit yrande liv og etter forholda gode snøtilhøve på Sjusete i Kvam, men ingen renn. Til helga er det derimot planar om to renn – Kvammasprinten laurdag og sjølvaste Torefjellsrennet sundag. Aberet er at vêrmeldingane tilseier plussgrader og regn meir eller mindre heile veka.

– Det er usikkert om snøen held til helga og renna kan gjennomførast. Dersom vêrmeldinga tysdag tilseier at det ikkje kan gjennomførast renn, vert det avlyst då. Dersom vêrmeldinga tilseier at det er ein sjanse for at det kan gjennomførast vil avgjera verta teken nærare helga, skriv Kvam langrenn- og skiskyttarklubb i ei melding på heimesida.