Ønsket artikkel finnes ikke! Vennligst oppdater nettleser eller gå tilbake. (HF,20200115,ARTICLE,200119944,AR).
Publisert 15. januar 2020 kl. 12.01.

«Domenehai» ville ha 1 million kroner for vestland.no

Ifølgje fylkesrådmannen i Vestland krev Terje Hatlem i Fjaler, som eig domenet vestland.no, ein million for å gi frå seg domenet til det nye fylket.

– Me har ved fleire høve prøvd å få hand om domenet, men til slutt valde me å trekkja oss, seier fylkesrådmann Rune Haugsdal til NRK. Fylkeskommunen bruker no vlfk.no som domenenamn.

Terje Hatlem, som også vert omtala som ein «domenehai», sikra seg retten til domenet vestland.no allereie i 2015. Han eig fleire hundre andre norske domene gjennom ulike firma, mellom anna aker.no. Andre domene Hatlem eig eller har eigt, er advokattjeneste.no, arsenal.no, feminist.no, kumlokk.no, flisogmur.no, flypriser.no, sparebank.no og tyrkiaferie.no.

Hatlem sjølv skriv i ein sms til NRK at han ikkje har gjeve noko tilbod til fylkeskommunen og at dei ikkje har teke kontakt sidan hausten 2018.

Fleire av dei nye fylka har namn som er beskytta av Norid, etaten som gjev løyve til bruk av no-domene. Innlandet møter liknande problem som Vestland. Innlandet.no er eigd av lokalavisa Oppland Arbeiderblad på Gjøvik, som ikkje har vore interessert i å gje frå seg domenenamnet.