Vidare til Oslo

Nia Kvitatiani Andersen (18) frå Norheimsund er vidare i Idol.

Kvemmingen deltok på audition på Hurtigruten i haust. Måndag vart programmet vist på tv.

Andersen song Halo av Beyonce.

– Du har fått fans allereie, sa dommar Tshawe Baqwa då publikum braut ut i applaus og heiarop etter opptredenen hennar.

– Dette er ei god påminning om at ein ikkje alltid treng skrika. Nokre har ein kvalitet som gjer at det ikkje trengst og at det er fint og behageleg å høyra på likevel, sa Baqwa.

Dei andre dommarane var ikkje like overtydde.

– Det læt litt som om du ikkje har heilt kontroll på låten, sa Andreas «Tix» Haukeland.

– Du høyrest litt andpusten ut. Men det kan vera nervar, og det kan verta betre med litt rettleiing, sa Silje Larsen Borgan.

– Du er berre 18 år og har god tid til å vera med på Idol dei kommande åra, sa Borgan.

Likevel landa ho på eit «ja». Det gjorde også Baqwa, medan Haukeland røysta mot å senda henne vidare.

Neste steg i Idol er «bootcamp» i Nydalen i Oslo.