Publisert 31. desember 2019 kl. 13.20. Oppdatert 31. desember 2019 kl. 14.52.

Det årlege nyttårsbadet


– Kvar er du?

– På bading!


Ein slik telefonsamtale er ikkje like unaturleg som før 31. desember, i og med at Hardangerbadet er sett i drift, men i det aktuelle tilfellet dreia det seg om utandørs bading.

Både i Norheimsund og på Laupsa vart det som vanleg kalla inn til bading ein del timar før fyrverkeriet går i lufta. Medan nesten ti var i vatnet i Norheimsund, sprang om lag fire gonger så mange i samla flokk i sjøen på Laupsa.

– Kaldt! oppsummerer Maria Åsebø etter ein svært kjapp dukkert ved stranda i Norheimsund.

Saman med veninna Liv Sandven heiv ho seg med då ho såg invitasjonen. Dei har ikkje gjort liknande sprell før.

Invitasjonen kom frå Elise Mathilde Thunes Jensen, som har vidareført tradisjonen som ektemannen Stefan Jensen sette i gang for åtte år sidan. Han er borte, men badinga held fram i hans ånd. Elise bada ikkje sjølv, men oppmuntra andre og serverte gløgg, kaffi, peparkaker og sjokolade.

Son hennar, andreklassingen Styrk, var nær sagt sjølvsagt den fyrste som våga seg uti det kalde vatnet.

Sidan følgde ein liten gjeng etter, mellom dei systrene Elisabeth Fosse og Merethe Fosse Vik. Sistnemnde vart premiert for beste kostyme, ettersom ho hadde dandert seg i ei heimelaga pingvindrakt med nebb og det heile. Men sjølv ikkje pingvinen heldt ut i meir enn nokre sekund i sjøen.




Siste Nytt:

31. Desember 2019

Augelege vil ha forbod mot privat fyrverkeri

NPK-NTB-Bibiane Piene

redaksjon@hf.no


31. Desember 2019

Hytteeigarar: – Nei til Kleven-innslag

Håkon Norheim

redaksjon@hf.no