Publisert 13. desember 2019 kl. 20.39.

Biletserie: Ferske kor fylte kyrkja


Dei to nye kora i Kvam fekk ein kanondebut då kyrkja i Norheimsund vart fylt i kveld.


Under leiing av Anne Cathrine Eiken serverte Fryd og Gullgutane julestemning i ord, tonar og litt skodespel i Norheimsund kyrkje i kveld.

Kora kan vanskeleg seiast å vera anna enn trekkplaster etter berre fire månaders øving, for både kyrkjebenkene og parkeringsplassane var tettpakka i god tid før kormedlemene vandra inn med lyskuler i hendene. Somme måtte finna seg i å stå. Vel å merka var berre hovudsalen i bruk i kveld.

Pianist Geir Botnen akkompagnerte songarane, og hadde endå til nokre replikkar undervegs i framsyninga, som bar namnet «Med hjarteleg helsing Fryd». Barnebarnet Madelene var solist i det eine innslaget.