Ljones vert KS-leiar
Tidlegare ordførar i Kvam, Jostein Ljones, er vald som den første leiaren i KS Vestland.
– Eg er utruleg stolt. Eg gler meg til å arbeida for utvikling av offentleg sektor på Vestlandet, i lag med eit svært kunnskapsrikt styre, skriv han på Facebook.
KS (tidlegare Kommunenes sentralforbund) er interesseorganisasjonen til kommunesektoren.
Det er den største offentlege arbeidsgivarorganisasjonen i landet, skriv KS på heimesida si.