Pengar til amfi og biogass
Hardingtonar får 400.000 kroner til skyveamfi i idrettshallen, og Jondal kommune får 300.000 kroner til biogassforprosjektet.
Det går fram av oversynet over ferske tildelingar frå Sparebankstiftinga Hardanger, som vart offentleg måndag.
I alt er det delt ut gåver på 8.707.702 kroner til ei rekkje mottakar i regionen. Dei største gåvene, på ein million kroner, går til aktivitetspark på Voss og fleirbrukshall på vestsida i Ullensvang.
Det kom 123 søknader om i alt 31,2 millionar kroner. 51 av søkjarane har fått stønad.
Den neste søknadsfristen er 31. mars 2020. Det vert to rundar med tildelingar i 2020, opplyste stiftinga i ei pressemelding om tildelingane.
Dei andre lokale tildelingane er slik:
• Torsnes ungdomslag får 50.000 kroner til sikring av uteareal.
• Kysnesstrand ungdomslag får 50.000 kroner til rehabilitering av ein mur.
• Strandebarm idrettslag får 100.000 til sjøaktivitetssenteret.
• Ålvik idrettslag frå 50.000 kroner til treningspark.
• Lidarende samfunnshus får 150.000 kroner til byte av tak.
• Kvam bowlingklubb får 21.000 kroner til nye bowlingkuler og -sko.
• Hardanger golfklubb får 20.0000 kroner til elektrifisering av golfbanen på Børve.
• Ålvik musikklag får 50.000 kroner til rehabilitering av utescene.
• Kvam langrenn- og skiskyttarklubb får 50.000 kroner til fem gevær.
• Nedre Valland og Nes grendelag får 50.000 kroner til restaurering av båtbyggjarverkstaden i Holmsund.
• Hardanger og Voss museum får 400.000 kroner til prosjektet Tett på. Pengane vart løyvde i vår.
Artikkelen held fram under annonsen.