Publisert 28. oktober 2019 kl. 15.12.

Måge og Måge fyrst i mål

Vinterkarusellen i Strandebarm snurra i veg 15. oktober, då om lag femti personar i alle aldrar stilte på startstreken. Det opplyser arrangør Strandebarm idrettslag i ei oppsummering.

Ove Måge vann herreklassen med tida 14.19 minutt, med Amund Leiren og Børge Klyve på 2.- og 3.-plass, om lag halvminuttet bak. Amalie Svåsand Måge vann kvinneklassen med 18.08, med Torild Kveberg like bak. Tida til unge Måge var personleg rekord.

Arrangørane gler seg over deltaking frå sentrale delar av Kvam, og håpar på fleire frå Fusa og Kvinnherad. Neste løp er 5. november. Åtte løp går av stabelen i vinter, det siste 10. mars.