Bråkmakarar får reaksjon

Førarane av tre motoriserte tohjulingar vart stoppa i Norheimsund i helga av di dei mangla naudsynt lyddemping. Resultatet er på godt norsk eit frykteleg bråk som er til plage for folk, ikkje minst om kvelden og natta. Førarane kan rekna med ei eller anna form for reaksjon, fortel politioverbetjent Jarle Sjo Myklebust i Kvam, Fusa og Tysnes lensmannsdistrikt.

Han varslar meir systematisk oppfølging av problemstillinga frå politiet si side, og vonar det skal resultera i at eigarane av doningane forstår at det ikkje er lurt å demontera lyddempinga.