Kjallaug Hoås Samland (Ap) frå Herand signerer samarbeidsavtalen. Foto: Bård Valvatne

Her signerer Samland avtalen

Publisert: 21.10.2019 14:34 Sist oppdatert: 16:45

Avtalen om politisk samarbeid som sikrar Roald Aga Haug (Ap) ordførarvervet og Kjellaug Hoås Samland (Ap) varaordførarvervet, vart signert i Odda i ettermiddag. Partia som samarbeider, er Ap, SV, KrF, R og V.

Onsdag møtest dei 33 medlemene i kommunestyret i Ullensvang kommune for fyrste gong i Odda rådhus. Ei rekkje formalitetar står på agendaen når dei folkevalde skal konstituera seg. Dei skal velja formannskap, ordførar, varaordførar, kontrollutval, administrasjonsutval, utval for samfunn, plan og næring og utval for kultur og levekår. Dei to sistnemnde utvala skal ha 11 medlemer kvar, ifølgje vedtaket i fellesnemnda, men kommunestyret står fritt til å avgjera dette.

Reidun Haugen Dalseth (KrF, t.h.) og Kjellaug Hoås Samland (Ap) frå Jondal var mellom dei frammøtte då fleirtalskonstellasjonen presenterte resultatet av arbeidet sitt i dag. Foto: Bård Valvatne
Den politiske avtalen vart presentert og signert i Odda rådhus. Påtroppande ordførar Roald Aga Haug (Ap) står til venstre. Foto: Bård Valvatne
NYHENDE

På framsida no



Les dagens E-avis
Dagens eavis

Alltid tilgang til papiravisa i digitalt format – uansett kvar du er.

Du kan lesa henne på PC, Mac, iOS og Android.

Les no