Publisert 07. oktober 2019 kl. 11.05.

Innbrot i frisørsalong

Nokon braut seg inn i ein frisørsalong i Norheimsund natt til fredag. Det vart dessutan gjort forsøk på å bryta seg inn i nabolokalet, fortel lensmann Terje Sperrevik i Kvam, Fusa og Tysnes lensmannsdistrikt. Han seier det er uklart om noko er stole.

Ein politipatrulje i nærleiken kom til staden. Ein person vart pågripen, fengsla og avhøyrd, men vedkomande har ikkje tilstått og er sleppt fri att, opplyser lensmannen, som er interessert i tips om nokon har sett noko uvanleg i sentrum den aktuelle natta.