Publisert 07. oktober 2019 kl. 12.01.

Stogga i tunnel

Førarane av to lette motorsyklar vart stogga av politiet i Børvenestunnelen i helga. Lyddempinga i eksosanlegget var slett ikkje som ho skulle vera, og førarane hadde gjort det uråd å lesa registreringsnummera på doningane. Dei fekk ein alvorsprat med den lange lovarmen og eit forenkla førelegg. Dessutan må køyretøya kontrollerast av sakkunnige før dei kan brukast meir, fortel lensmann Terje Sperrevik i Kvam, Fusa og Tysnes lensmannsområde.

Han oppmodar foreldre om å følgja godt med på kva ungdomane syslar med og ikkje minst kva dei køyrer med.