Fartsfylt: Barnehageløpet hadde mange deltakarar i alderen 2–5 år.

Biletserie: Tørvikbygdløpet

Sundag arrangerte Tørvikbygd idrettslag Tørvikbygdløpet for 35. gong. Det vart ein fin dag i solskinet.

Ifølgje Lars Kristian Skår i idrettslaget var det om lag 130 deltakarar. Dei fleste deltok i trimklassen. Det var familiar med både små og store born som tok sundagsturen i den seks kilometer lange løypa.

Utanom trimklassen var det løp for barnehageungar, born, ungdomar og vaksne. Skår meiner deltakinga var litt vel låg i dei to eldste klassane. Av dei ni som stod på startstreken var det seks i herreklassen, to i kvinneklassen og ei jente i ungdomsklassen. I klassane for barnehageborn og born var det inga tidtaking, og alle fekk medalje for innsatsen.

Held att i unnabakkane

Morten Kolltveit vann seniorklassen for herrar. Hans taktikk var å springe alt han hadde på flatene.

– Det er der eg kan ta motstandarane, sa Kolltveit etter løpet.

Ifølgje han var det perfekte forhold for dei som ville springe fort. Kolltveit sette ny personleg rekord i løypa med tida 20,29. På plassen bak han kom Johannes Tveiten med tida 25.07. Frode Måkestad tok tredjeplassen med tida 25.44.

Kvinneklassen vart vunnen av Sunniva Steine, som sprang på 26.03.

Artikkelen held fram under annonsen.

Håpar på rekruttering

Skår synest det er synd at deltakartalet går ned for kvart år. Han håpar no at fleire vil prøva seg i løp og ynskjer folk velkomne. Han dreg fram Geir Elmar Haugland som eit godt føredøme.

– Han stiller til start kvart år. Skår meiner likevel det er positivt at så mange born viser interesse. No håpar han at dei dreg med seg foreldra til neste år.

Astrid Sandven (14) var einaste ungdom som sprang på tid. Ho synest det er litt kjedeleg at ikkje fleire på hennar alder deltek, men veit ikkje kva ein kan gjera for å auka interessa.

– Løpet var litt tungt, men kjekt, sa niandeklassingen frå Norheimsund etter løpet.

Ho sprang den 4,5 kilometer lange løypa på akkurat 25 minutt.

Ingen komler, men kafé

Tidlegare har ungdomslaget skipa komlemiddag i samband med løpet, slik var det ikkje i år. Derimot kunne dei frammøtte forsyne seg i kafeen til kvinne- og familielaget mellom slaga.

Etter at deltakarane i konkurranseklassane var komne i mål, vart det premieutdeling med trekking på startnummer slik at alle hadde moglegheit til å vinna noko.

Sander Eide Aaseredaksjon@hf.no