MC-ulukke på Kvamskogen

To motorsyklar har kollidert på fylkesveg 49. Éin person er skadd.

Det melder Vest politidistrikt på Twitter. Ein person er skadd, med mogelege brot i arm og fot. Ingen andre er skadde.Mange motorsyklar er samla ved ulukkesstaden. Vegen er open, men framkoma er redusert, ifølgje politiet.Bergens tidende omtalar hendinga som ein "massevelt" og hevdar at fleire enn dei to politiet har opplyst om, har vore uheldige. Avisa meiner å vita at kring åtti motorsyklistar og mopedistar var på tur frå Bergen til Øystese, og at uhellet skal ha oppstått då dei to fremste i rekkja bremsa brått nær Kvamskogen landhandleri.