Publisert 13. september 2019 kl. 21.06. Oppdatert 14. september 2019 kl. 08.29.

Mørk kveld på fotballbanen

Det gjekk skeis med A-laget til både Norheimsund og Øystese fredag kveld.

Norheimsund tok leiinga 1–0 og heldt følgje med Radøy til 3–3 på heimebane, men nordhordlendingane avgjorde kampen på tampen. Då heimelaget jakta låg under 3–4 og jakta på utlikninga, serverte målvakt Christian Kjosås gjestene tomålsleiing med ei hasardiøs tversoverpasning. Dermed enda kampen i 5. divisjon 5–3 til Radøy. Tapet var det 4. på rad for raudtrøyene.

Øystese møtte Varegg i 4. divisjon i Bergen og tapa 1–6 samstundes som kampen i Kvam vart spela. Trenar Øyvind Neset Olsen reduserte til 1–3 for laget frå Kvam, opplyser fotball.no.

Tapet var det fyrste på tre kampar for Øystese sin del. Laget slo Solid og spela uavgjort mot Os 2 før kveldens stortap.