Publisert 12. september 2019 kl. 19.03.

Nesten uskadde etter utforkøyring


To personar kom frå ei bilulukke på Hjartnes med mindre skadar torsdag ettermiddag.


Det same kan ikkje seiast om bilen, som hamna på sida attmed fylkesveg 553 på den rette strekkja på Hjartnes.

Naudetatane rykte ut til ulukka. Politibetjent Svein Valland Laupsa fortel at bilen kom frå Norheimsund. Ingen andre køyretøy var innblanda. Det er uvisst kva som er årsaka til at føraren mista kontrollen over bilen. Ingen var vitne til hendinga. Saka vil verta etterforska.

Dei to i bilen vart frakta med ambulanse til legevakta. Dei framstod som meir eller mindre uskadde.