Publisert 10. september 2019 kl. 19.13. Oppdatert 10. september 2019 kl. 22.28.

Slik vert det nye heradsstyret i Kvam


Kandidatkåringa vart ferdig i kveld. 9 av 27 medlemer er kvinner. Ålvik mistar 4 av 5 representantar.

Dei valde

Følgjande 27 representantar får plass i det nye heradsstyret:

Sp:
Jostein Ljones
Johanne Neteland
Svein Johannes Stuve
Siv Håbrekke
Trygve Vik
Gjermund Stuve
Silje Aksnes
Stig Aase

Ap:
Torgeir Næss
Vigdis J. Håland
Halvard Lilletveit
Even Øyri
Evy Kleivane
Dag Rune Mo

Frp:
Frode Nygård
Bjørgulv Hauger
Gunnar Kvandal
Gry Merethe Kyrkjeeide

KrF:
Lisbeth Hanne Fredheim Oma
Hans Arne Børsheim
Jostein Moldsvor

H:
Frode Skeie
Ottar Steinar Randa

MDG:
Natalia A. Golis
Kari Mostad

SV:
Geir Madsen

Raudt:
Håvard Gjerde

Ein tredel kvinner

9 av dei 27 representantane – 33,33 prosent – er kvinner.
12 av 27 har postadresse Norheimsund, 9 Øystese, 2 Strandebarm, 2 Tørvikbygd, 1 Omastrand og 1 Ålvik. Dermed mistar Ålvik 4 representantar samanlikna med inneverande valperiode. Berre Halvard Lilletveit (Ap) fekk plass.
11 av dei valde har plass i dagens heradsstyre.
Han som klatra mest på lista, var Gjermund Stuve frå Øystese. Han stod på 23.-plass på lista til Sp. Dag Rune Mo fekk plass frå 11.-plass på vallista. Trygve Vik avanserte frå 10.-plass på Sp-lista.
Den yngste representanten er Johanne Neteland (Sp), fødd i 1999. Eldst er Svein J. Stuve og Dag Rune Mo, båe fødde i 1956.
Raudt får plass i heradsstyret for fyrste gong. Håvard Gjerde fekk plassen. Venstre mista den eine plassen partiet har i dag, etter å ha fått berre 73 røyster og ei oppslutning på 1,6 prosent.

Ljones på personstemmetoppen

Ny ordførar vert Torgeir Næss, men han vann ikkje kampen om å ha flest personrøyster og slengarar. Det gjorde Jostein Ljones (Sp). Han fekk 364 personrøyster og 55 slengarar. Næss fekk høvesvis 242 og 114.
Ein annan populær kar er Frode Nygård (Frp), som fekk 242 personrøyster og 123 slengarar.