Olav-Magnus Hammer (Ap, t.v.) må ta til takke med varaplass i kommunestyret. Her er han på valvake i Odda måndag kveld saman med Trygve Bolstad, Roald Aga Haug og NRK-utsending Tale Hauso.

Hammer og Dalseth utan fast plass i Ullensvang

Både Olav-Magnus Hammer (Ap) og Reidun Haugen Dalseth (KrF) frå Jondal vert varamedlemer i kommunestyret i Ullensvang. Ap har i dag kontakta fleire parti for å få til samarbeid.

Fire av 33

Som 2. varamedlem i eit parti med 14 representantar i kommunestyret kan Hammer truleg rekna med å få møta ofte uansett. Kjellaug Hoås Samland (Ap) frå Jondal var kumulert og kom inn som den tredje i Ap-gruppa.Dalseth, derimot, vart vippa ned frå toppen av KrF-lista og enda som 1. varamedlem, bak fast representant Håkon Kvammen. Han fekk fleire av både personstemmer og slengarar enn herandskvinna.I H kapra kumulerte Elin Eide Brattabø frå Jondal ein av fire faste plassar. I Sp fekk Lajla-Margrethe Lindskog-Lund og Tiril Eiken frå Jondal to av ni plassar. Eiken var den siste på lista som fekk fast plass. Sp mista eitt mandat til Venstre i innspurten av oppteljinga.Dermed får dagens Jondal kommune i alt fire av 33 representantar i kommunestyret, som er meir enn folketalet åleine tilseier.

Haug sette slengarrrekord

Den einaste kumulerte kandidaten som ikkje kom inn i kommunestyret, var Inger Marie Himle i SV. Kåre Olav Grønsnes frå Ullensvang tok innersvingen på henne frå posisjonen sist på lista, takka vere 33 personstemmer og heile 84 slengarar.Ap-topp Roald Aga Haug sette elles ny personleg rekord med 1.152 personstemmer. Han fekk i tillegg 166 slengarar.Lindskog-Lund fekk 423 personstemmer og 36 slengarar.Finn Hagen trekte seg nyleg som toppkandidat og leiar i Ullensvang Frp, men er vald inn i kommunestyret. Hardanger Folkeblad skriv at han kjem til å søkja om fritak.

Artikkelen held fram under annonsen.

Dei faste representantane

Sp:Lajla-Margrethe Lindskog-LundLars O. SeimJørund KvestadHildegunn EspeOlav B. HusPer Helge SekseIngvild HausoJan Asbjørn UtneTiril EikenV:Eivind TokheimRaudt:Terje KollbotnAndreas JacobsenAp:Roald Aga HaugTrond InstebøKjellaug Hoås SamlandVidar SolviGard Per Arne FolkvordErik TomasgardJohn Helge RasmussenTrygve BolstadJarle VangenKristin Elisabet Horne MoeJohnny VikneLasse TverdalAmund VelureMarit Jensen MåkestadSV:Kåre Olav J. GrønsnesKrF:Håkon KvammenReidun Haugen DalsethH:Erlend Nævdal BolstadGeir MidtunElin Eide BrattabøAnna Maria KråkevikFrp:Finn Hagen

– Sp var lunka

Mykje tyder på at valvinnar Roald Aga Haug held fram som ordførar, men han må fyrst skaffa seg fleirtal. Han opplyser til HF i kveld at han opplevde Sp som lunka då Ap tok kontakt for å starta drøftingar om eit samarbeid i dag.For å sikra framdrift, har Ap difor vendt seg i andre retningar. Han ynskjer ikkje å oppgje detaljar før dei aktuelle partia har drøfta saka internt, men har von om ei nokså rask avklaring.– Me har hatt Sp som fyrsteval, men kan ikkje venta på dei i lang tid, seier Haug.Leiar i forhandlingsutvalet i Sp, Jon Larsgard (Sp), stadfestar at han var i kontakt med Haug i går. Han seier at han har gjeve uttrykk for at Sp vil vera open for samtalar om det kjem ein formell førespurnad.Samstundes påpeika Larsgard i samtalen med Haug at eit slikt samarbeid må drøftast internt i partiet, ettersom Sp er oppfatta som hovudmotstandaren til Ap i valkampen og dei store utslaga i valresultatet er eit uttrykk for ein skepsis til Sp-makt. Det har også vore tydelege motsetningar mellom dei to partia i arbeidet i fellesnemnda, nemner Larsgard.– Slik sett er det rett at det er ein viss skepsis til kva som ligg i ein samarbeidsinvitasjon, seier Larsgard, som sjølv er ordførar i Jondal ut året.

Reidun Haugen Dalseth (KrF) vart forbigått av Håkon Kvammen, som fekk fleire personstemmer og slengarar.