Nykomar: MF «Samlafjord». Foto: Fjord1

Den nye ferja

Den nye hybridferja MF «Samlafjord» skal gå permanent på Jondal–Tørvikbygd-sambandet frå 1. januar neste år. Ferja er ferdigbygd i Tyrkia i år, og kan ta 130 personbileiningar og 295 passasjerar. Ho går på batteristraum med back-up i ein dieselgenerator. Ladetida vil vera mellom 6 og 9 minutt. Denne tida varierer frå kai til kai og ut frå overfartstida.

Ferja vart registrert som Fjord1-fartøy 28. august, fortel Geir Vangen, regionleiar for Hordaland i Fjord1. Han har ansvar for fartøyet. MF «Samlafjord» legg om kort tid ut på seglasen til Noreg. Når ho kjem fram, er uvisst på grunn av vêr og vind.

– Me gler oss til ho kjem. Det er ei stor, fin ferje, seier Vangen.