Nytt OL-gull til Børve
Det norske laget gjekk til gull i blanda stafett i europeisk ungdoms-OL i Sarajevo fredag føremiddag.
På laget var Hanna Børve (17) frå Øystese, som tok individuelt gull i seks kilometer sprint tysdag. Med på laget var også Frida Tormodsgard Dokken, Eirik Idland og Morten Hol.
Det norske laget brukte 1.26.58,5 timar på til saman 27 kilometer. Jentene gjekk 6 kilometer kvar, medan gutane gjekk 7,5 kilometer.
Børve gjekk andre etappe, og brukte 21.06,01 minutt. Då ho veksla med Hol, var laget på 3.-plass, 16,1 sekund bak Finland.
Idland og Hol henta inn att sekunda, og sørgde for norsk siger framfor Frankrike på 2.-plass, 1.10,00 minutt bak, og Finland på 3.-plass, 1.37,04 minutt bak.