«Fulle sjøfolk», svar til Gunnar Melstveit

Eg viser til innlegg i HF den 8. februar, der det vert retta kritikk mot forfattarane av jubileumsboka om Lingalaks. Slik som eg tolkar innlegget ditt Gunnar, så har du ikkje lese boka, og eg trur heller ikkje at du var til stades då boka vart presentert på biblioteket i Norheimsund. Ettersom kritikken byggjer på referat i HF den 5. d.m., vil eg gjerne presisera følgjande: Uttrykket «fulle sjøfolk» er ikkje henta frå boka, og det står heller ingenting om at dei skal ha «halde på å renna anlegg i senk». Ei lita historie i boka med overskrifta «På livet laus» kan eg stå inne for, men eg kan ikkje sjå at eg her har retta nokon kritikk mot sjøfolk generelt. Eg kan heller ikkje hugsa at historia vart omtala under presentasjonen, så dette lyt stå for HF-journalisten si rekning.

Til orientering kan eg opplysa at boka ligg for sal på Huus Bokhandel i Øystese, og den er òg tilgjengeleg på biblioteket i Norheimsund.

Birger Linga